懷念鼠鼠 (1999)

鼠鼠,其實對你嘅印象都已經有啲模糊,淨係記得喺金魚街揀倉鼠,你係唯一一隻上我隻手冇咬我,於是我就帶咗你返屋企。我仲記得爸爸媽媽唔鍾意,成日話好地地養乜鬼老鼠,講到明我要負責晒你嘅清潔衛生,但係佢哋又會會偷偷地切紅蘿蔔同生果俾你食,你又好乖企係籠入邊等佢哋。 唔知係咪咁啱得咁蹺定係你咁愛我地,你明明一直身體好健康,喺爸爸做大手術個日,我地探完爸爸返黎,你就死咗。我摸住你硬晒冰冷嘅身軀,我記得自己喊到傻,偷偷地拎出嚟落去樓下公園埋葬,媽媽當時重同我講,係你幫爸爸擋咗一劫。 我當時太細個,朦朦朧朧咁咩都清楚,只係記得嗰一日好開心爸爸冇事,又好傷心你無啦啦死咗,心情好混亂。咁就27年了!我愛你!

蠟燭 8 · 鮮花 6