2026年1月 . 你見住毛毛突然離開去咗虹橋. 我知道你感受到我的心情 .雖然我一滴眼淚都流唔出.. 對唔住 喺嗰幾個月要你擔心我 . 直到2026年九月初, 你身體出現問題，開始行唔到企唔到 .連續三個醫生 話我知 你應該係呢兩至三日就會離開我 .三個醫生都叫我帶你返屋企好好咁陪住你呢.. 對唔住 我冇用 我喺你面前喊,, 我嘅眼淚係咪令到你擔心我？ 令到你撐左20幾日..到最後一日仲撐到我返到屋企 . 俾我抱住你 喺我懷中離開 . 傻仔 傻大佬 傻瓜 , 媽媽係唔捨得你哋 但係媽媽明白 唔係你專登唔要我 而係你已經盡晒全力陪我身邊 用盡你嘅能力去令到媽媽開心 我好記得我當日領養你返屋企嘅時候你已經六歲 , 好多人都話我救咗你~ 如果唔係我 可能下半世就要喺狗場渡過 ... 但事實係你救左我 .甚至乎係救咗我屋企 . 你令到本來冇話題嘅一家人 變成無所不談嘅一家人 你亦改變咗我 你令到媽媽變得更堅強💪 我會記住呢10幾年嚟我同你開心嘅時光 ,我唔會淨係記住你離開我嘅一日.. 所以我叫你大佬 唔係因為你係四個入邊年紀最大 而係你真係做到哥哥 外剛內柔 鐵漢柔情 照顧細佬妹 甚至連颱風前夕 我拎唔拎遮🌂出街 你都可以管埋一份 😂 管家仔 我嘅大佬 你對我嘅溫柔我一世都會記住 他日我哋再相見嘅時候 記得對我溫柔啲
Drag to turn · Pinch to zoom
