懷念妹豬 (2023 – 2025)

初初無諗過會養寵物,更加無諗過會養熊仔鼠,但經過玻璃見到妳,結果我哋就一齊生活喇。。。 呢段時間好開心有妳嘅陪伴,但估唔到我哋嘅時間會咁短促,亦都有啲放唔低係我照顧得妳唔夠好,嗰段時間忽視咗妳。。。記得妳最後走嗰段時間,妳好努力回應我,想醒返,但最後都走咗。。。好無能為力,無諗過見證唔倒妳嘅老年,但又覺得起碼妳無俾長期病折磨先走都係不幸之中嘅大幸? 妳嘅可愛親人我會好好埋喺心入面,無留低妳嘅毛髮,只係想妳好好完成咗呢一世,無留戀地走。 而家有呢個地方,將我對妳一點點嘅想念放喺度,俾有緣嘅人睇倒妳喺幾可愛。 愛妳,妹豬。

蠟燭 4 · 鮮花 2

日記

返到屋企嘅第二日,因為無諗過養妳,連籠都未有,唯有用一個高身膠箱仔載住妳,之後出去食完飯返嚟,就唔見咗妳。 我即刻諗方法搵妳,又搖零食,聽吓有乜動靜,最後喺雪櫃後面搵倒妳,引好耐先出返嚟。。。。仲發現妳嚇到瀨屎。。。 之後發現妳應該係企上糧兜越獄。 呢次係妳第一次越獄😂