Sailo

Sailo係一隻10歲先至被我哋正式領養嘅狗狗 本身Sailo同佢媽媽 同哥哥Dailo係由一個家庭養嘅 直至到Sailo三歲嘅時候 呢家人因為移民 將三隻狗狗一齊棄養送到animals shelter Sailo 媽媽冇耐就喺Shelter度過咗身 而哥哥Dailo之後冇耐亦俾人領養咗 得返Sailo喺Shelter度一直生活直至到佢十歲俾我哋領養左 同我哋一齊生活左大概五年 可能因為長時間都係Shelter生活 細佬對住其他狗狗係會護食 好似成日擔心食物會被搶去咁 都冇其他狗狗喺度嘅時候 佢就好鍾意匿埋喺枱底凳底 鍾意匿埋喺一啲有蓋嘅地方 可能佢喺shelter習慣咗長期匿埋喺狹窄細小嘅空間 （領養前妹妹有去做義工觀察到佢有呢個習慣）佢先至有安全感🥲 佢媽媽同哥哥都係有心臟病走的 Sailo都係一樣 Sailo呀 雖然你已經離開咗一段時間 我哋仍然冇忘記你㗎 唔知你而家係咪同緊你媽媽同哥哥一齊呢？🌈🐾