Pudding 布丁

布丁你記唔記得媽媽點由粉嶺帶你返大埔屋企呀？用一個小小嘅鐵籠入住，然後偷偷搭小巴…..返到大埔屋企你仲入左入廚房呢埋。
小小身軀的你可以由貓籠爬出偷走。仲有一隻你好鍾意嘅熊bear bear公仔🧸，拋佢上櫃頂你一定要咬住拎返佢落黎。布丁一定要自己瞓一張公主床，要軟淋淋、好舒服嘅床。見到你成日都好慢活，好養生。
你由我仲係一個中四學生，冇乜金錢，慢慢到我畢業，開始踏出社會工作，慢慢開始返第一份工，慢慢有經濟能力，買好多罐罐俾你，再認識你爸爸，我地再組織一個新屋企，再帶布丁、Laughing、荳荳、車車同紫菜一齊生活，我地都覺得放工返屋企有貓貓等我地返屋企係好幸福。20年好似好耐，但係又過得好快好快。布丁你一定喺呢個屋企好開心！因為我地都好愛大家！放心喺彩虹橋做一隻可以自由跑跑、四圍探索散步嘅悠閑布丁啦！爸爸媽媽會開心生活🫶🏻