Happy 仔 你獨特之處係你條脷仔底係黑色㗎 聽人講咁係代表好為食 唔知真定假 但你又真係好鍾意食嘢 媽咪最鍾意你食嘢時個樣😋😋

日記
“Happy仔,你離開咗媽咪4年了,媽咪每分每秒都好掛住你,以前每當我唔開心,你一定會乖乖走到我腳邊抬頭用你水汪汪嘅大眼睛望住我,用個頭仔不段擦我隻腳,彷彿同我講媽咪萬大事有我陪你,唔使驚,依家冇咗你,媽咪會學識堅強,不過仲有你細佬迪迪同Bingo,仲有爸爸,但係媽咪始終都好掛住你,你要喺彩虹橋開開心心咁生活,唔好辜負咗你個名“Happy”呀”
Happy 仔 你獨特之處係你條脷仔底係黑色㗎 聽人講咁係代表好為食 唔知真定假 但你又真係好鍾意食嘢 媽咪最鍾意你食嘢時個樣😋😋
以前每當我返屋企時 你同迪迪一定會喺門口擺尾迎接我返屋企 記得有一次我返屋企時得迪迪喺門口 我大叫你幾聲你都冇出嚟迎接我 再叫多幾聲你先施施然喺我張床抬頭望我 原來你貪玩自己爬咗上我張床瞓覺 你知唔知當刻嚇死我 以為早上出門時你跟咗我出門口 點知你原來上咗我床上面瞓覺 嗰下又好笑又覺得俾你激死. .....
今日同同事講起你細佬迪迪識睇電視 睇到電視有動物會好嬲會吠 但係Happy仔你從來都好冷靜 唔會俾細佬啲叫聲嚇親 性格好到不得了 媽咪有一刻想帶你去做動物醫生 不過始終都冇行出啲一步 依家諗返都有啲後悔
Light a candle or leave a kind word for Happy in the memorial hall. Free, no sign-up.
Visit Happy's place →