Light a PawVisit the memorial hall
Carbon

Carbon

日記

“親愛既Carbon,你係我哋最愛既仔仔,最靚仔最可愛既黑貓!不知不覺你完成左地球任務,希望你帶住好多好多金色記憶球同我哋既愛返去貓星,可以無憂無慮咁玩水、跑來跑去同玩pizza救星。多謝你呢10年帶俾我哋好多金色既記憶球,我仲記得你由1隻手咁大既時候來到我哋屋企,到後來佔領屋企每一個角落,屋企少左你靜左少少,但我哋會努力適應。Maple、爸爸和媽媽我永遠愛你,goodbye for now, but not forever. Until we meet again.”

Carbon每日都會等門。Bon Bon返左貓星後,我哋將一個有黑貓既布袋掛左係門口。

天氣終於開始轉冷,天氣凍既時候,你會同Maple一齊曬太陽。有時候兩隻貓痴埋一齊曬太陽,好美好。

Maple開始被抱時無咁僵硬,可能知道我以前好鐘意抱你,你唔係度,所以被我抱幾秒?抱住你既感覺太好,永遠會係我心入面。

今日買左炸魚骨粒粒,買唔到1條條個種,諗起之前你都好鐘意聞~唔知魚骨粒粒你又有無興趣呢~

噚日係呢度四處逛,尋找下唔同既黑貓,但我仲係覺得你最好最可愛~ 每隻寵物都係人類心中係獨一無二,包括你呀,Bon Bon~

Carbon細個就鐘意跑來跑去同玩水,仲會摸腳追逐~屋企每個角落仍好似有你既存在。

Carbon,仍然好掛住你,係spca見到隻黑色英短,好想同你爸爸講領養啦,但又覺得都唔會係你。
有時候諗起,上年媽媽走,今年到你走,我仲撐住自己,已經好叻。
但我無停止掛住你哋。

🕯️ Carbon

Light a candle or leave a kind word for Carbon in the memorial hall. Free, no sign-up.

Visit Carbon's place →