饅頭

我好掛住你啊小饅頭
天氣開始轉涼啦，記得一到冬天你就會捐入被竇嗲嗲，要一齊攬住冚
你最嗲家姐㗎喇 眼瞓要嗲我 要我抱你上床覺豬 我真係好掛住你
你最近點呀？半年過去啦，家姐仲係日日喊。係咪好唔爭氣啊？
頭頭，你喺上面好嘛？
有冇識到朋友仔？
家姐應承過你，會好好生活，唔會再掛住唔開心，家姐有努力去醫病㗎
家姐真係好掛住你 冇咗你 我更加難捱
但係，我知道頭頭你唔想家姐咁樣
所以 我應承你呀
我會好好生活 等饅頭頭返嚟搵家姐 返嚟做多次家姐嘅狗仔
我愛你

其實我好愧疚
如果我再對你好啲就好
偏偏有能力買更多玩具、零食嘅時候你離開咗我
如果我當日冇懶
諗住第日再帶你去街街試新狗帶
咁我哋係咪可以有多一個共同回憶？
偏偏 你嘅離開 就喺同一日

我總以為有明天
沒想到明天原來那麼遙遠
你沒有明天了
連一個在明天的機會 都唔畀我

係我嘅錯 都怪我

我每次一諗到你離開時
係好似平時咁 挨住我瞓 就咁樣沒呼吸
望住你 痛苦咗3個鐘
最後 由痛苦到重新平靜落嚟
我唔敢信 你已經走咗
更唔敢信 你會喺我懷裏離去

我多麼希望你只是太累了
你像以前這麼多次一樣
被我攬住 然後安心瞓覺

而家 我有能力買好多波波、好多玩具畀你啦
點解 你反而唔喺度了