雪糕,你離開咗已經第三日,唔知你去到另一個地方會唔會唔習慣,好驚呢。你諗住我地就會唔驚架喇。如果掛住我地就多啲喺我哋個夢出現啦。

日記
“多謝你嘅陪伴,去到彩虹橋🌈都要繼續做個開心快樂嘅小朋友🐱”
雪糕,你離開咗已經第三日,唔知你去到另一個地方會唔會唔習慣,好驚呢。你諗住我地就會唔驚架喇。如果掛住我地就多啲喺我哋個夢出現啦。
雪糕,媽媽成日話好順口咁叫咗你,好似出門口同你哋咁多隻貓貓講byebye又或者夜晚入房訓覺之前講nightnight,媽媽都會好順口咁順序叫你地個名,當叫到你個名嘅時候先醒起你已經唔再喺到。 媽媽佢繼續喺你個碗到放野食,因為佢話唔知你幾時會返嚟,怕個碗空晒無野食你突然返嚟見到會唔開心。如果你真係返咗嚟就食多啲野,留多陣都可以架,唔駛驚驚。依到永遠都係你屋企。
雪糕,唔知你地喵星球有無依個傳統。提下你先,仲有兩日就係你'頭七',dad dad mama準備咗少少嘢俾你,你記住返嚟屋企阿。不過可能依幾日你都有靜靜返嚟呢🤭媽媽今日話有貓踩過佢本電子書,因為飛咗好多頁,唔知係咪你呢🤣係就多啲返嚟整蠱媽媽,古靈精怪先係我哋嘅雪糕。
Light a candle or leave a kind word for 雪糕 in the memorial hall. Free, no sign-up.
Visit 雪糕's place →