雞丁

給雞丁的信

雞丁豬
想像唔到今日係最後一次摸你
想像唔到今日你真真正正甘離開我地
好多謝你比我地遇見你
好多謝你入屋做左我地個寶貝仔
你總會靜靜地待在我地身邊
你總會係我放工返黎坐係我大髀陪我睇電視
每當遇到我同你爸爸嗌交
你總會擋住係我前面好大聲咁叫爸爸
然後你會入房安慰我
每次同你傾偈
每講一句你都會應我
無論發生咩事你總會第一個陪我
有太多太多既回憶都係有你
你亦教識左我地好多相處做人既道理

自從知道你唔舒服之後
我地一直都做好心理準備
你會有離開我地既一日
但當呢一日真係黎到既時候
原來真係好痛好難接受
不過我地亦寧願你安心地去喵星
因為唔再痛唔再受苦
我地知道你一直都好努力甘撐
好想繼續陪住我地
但雞丁豬, 你畢業了
呢9年半你已經超哂班
每一個認識你既叔叔姨姨都讚你好乖
每一個都好唔捨得你
雖然…… 我地會有一段時間會傷心會喊
但我地應承你, 會繼續帶住你既好甘生活落去
而我地相信, 我地會再見
雞丁。我地好愛你

媽咪。魚蛋