Light a PawVisit the memorial hall
樂樂仔~樂樂b~樂樂豬

樂樂仔~樂樂b~樂樂豬

日記

“樂豬,我愛你,謝謝你給我無條件的愛,感激此生曾與你相遇,給了我歡樂,陪伴,分享我喜與悲,肥婆永遠愛你😘”

lok Lok仔,雖然你已經離開咗四個月,但係肥婆個心從來未放開過你,每日朝早起身,都會習慣叫你個名,每一日都會記住你同我曾經嘅一點一滴,我好掛住你,你陪伴我嘅15年日子,將你嘅一生陪住我守護我,我開心嘅時候,你會喺身邊靜靜咁望住我陪住我,我唔開心嘅時候,你會瞓喺我身上面攬住你,陪伴我渡過,每1分每1秒,我好愛你,甚至乎每一天都會同你講好多次嘅I love you,我好掛念你身上面嘅味道,好想念你每一次嘅笑容,好想再一次摸你的手手,你嘅腳腳,好想再一次錫你嘅額頭,摸你嘅耳仔。。。
我真係好懷念你喺我身邊嘅每一日。
肥婆婆愛你,肥婆婆好愛你,I love you。

樂樂,仲記得一年前嘅今日,我帶你坐車車去街街,約咗Man姐姐同你扮靚靚,袋中的你,還好奇街上的聲音,伸岀頭仔到處張望(即使你眼仔因白內障而已睇唔到😔)我哋2個拍拖仔,扮完靚靚仲帶你行下商場,拍下影片。。你知道嘛,嗰次,其實係肥婆第一次學Call Uber😂因為肥婆想你坐得舒服啲,即使肥婆手忙腳亂都好,我仍然好開心好期待,能夠跟你岀街的拍拖日🐶❤️嗰次之前,每次都有你老豆一齊,我根本無時間可以獨霸你喲😂
樂樂🐶你記得嘛?
我愛你❤️我好愛你😘I love you💋💋

🕯️ 樂樂仔~樂樂b~樂樂豬

Light a candle or leave a kind word for 樂樂仔~樂樂b~樂樂豬 in the memorial hall. Free, no sign-up.

Visit 樂樂仔~樂樂b~樂樂豬's place →