李柚子

媽媽好想你
想抱抱你

媽媽好掛住你 🤍

柚柚，轉眼你離開我哋已經半年🤍

呢幾年經歷好多生離死別，痛到無能為力…但我始終學唔識離別呢一個課題，或許呢一課，我一世都學唔會，亦都唔想再學..

間中翻開你嘅相，一開始根本睇唔落去。到今日，媽媽都算叻咗少少，可以平靜咁整理屬於我哋嘅回憶。

媽媽永遠記得你呢隻為食豬仔，聽到開飯就跑過來喵喵喵；媽媽未訓醒你會叫到媽媽開門為止。多謝柚柚你呢幾年陪伴，填滿我哋嘅平凡小日子，呢啲回憶碎片我會好好記住，永不忘記。
媽媽最痛心係我最後都留唔住你，但感恩你唔使再捱苦打針食藥，遠離病痛，有食不完嘅罐罐，仲會識好多朋友🐱

柚柚，多謝你參加我地準備既貓生考察團服務，麻煩記得用你嘅臭臭黑腳板俾番5星好評我同爸爸
我地相處時光雖然短，但希望你滿意開心喜歡🤍

我哋約好啦，將來一定要再見。

爸爸媽媽，永遠愛你、掛住你。拜拜柚柚！

半年念🤍🐾