布丁Pudding🍮

布丁，你離開媽媽已經一個多月了，媽媽在畢業禮給你的信:

致我最愛的乖仔 布丁🍮，

感謝你選擇了我做你的媽媽，還記得當日在寵物店一直等待你的來臨。
第一次做兔子媽媽我很緊張和小心翼翼！我好多謝你帶俾我好多歡樂同開心！每一日都有你等我返屋企，我好感恩！好感恩你的世界剩係得我，我嘅世界剩係得你的時候。我們真的創造了很多美好的回憶！
多謝你咁努力一直掩蓋住自己好唔舒服！多謝你一直好叻仔咁做每一個檢查同埋食藥！好對唔住，媽媽最後冇能力照顧你到老，但我真係好愛你！

我愛同你創造的人生所有生活點滴！我地一齊搬屋一齊辛苦一齊喊，一齊努力一齊重新嚟過！我地乜咩都一齊！甚至我地食飯都一齊！

媽媽希望你揀到自己想行的一條路，我好希望未來可以用唔同的方式與你相遇！未來你做人又好，你去同菩薩修行都好，以後你揀自己的路就得啦，唔好再做兔仔了，好辛苦的！好容易病的！動物的生命好渺小！

我地一定要再見呀！布丁！媽媽永遠愛你！

最愛你的媽媽上❤️🍮