妹妹

雖然我哋淨係相處咗4年，仲要唔係每一日都一齊住。我一路就好似旁觀者咁，望住你對奶奶最大嘅愛。你嘅愛係好純粹。雖然你唔係我嘅寵物，但係我都好掛住你lam我塊面。當醫生宣判你有腫瘤一刻，我真係感到好愕然。捱過一次手術，你唔單止捱過我哋嘅婚禮，仲多咗三個星期。好多謝你前一日入去我個夢，感受到其實你都好鍾意呢一度唔捨得大家，但係撐到最後嘅時候，你揀咗星期六陽光普照嘅晏晝等埋我哋離開。你終於冇痛苦，其實我都好掛住你，就算我唔係你主人，直至到而家諗起你都會喊。好掛住你。 我唔想只係記得你離開嘅嗰一日，我會多啲諗起我哋一齊嘅時光。你嘅一生都必定係充滿愛。