Light a PawVisit the memorial hall
大 B

大 B

日記

“大B, 我永遠都唔會忘記你, 你係我最好既朋友, 你要係彩虹橋好好生活, 有時間就返黎屋企探下我, 要認識多 D 貓朋友, 知你從來都唔喜歡陌生人, 如果你唔鍾意果個人就避開佢啦, 唔好迫自己, 只要自己開心就可以, 想同你講, 細 B 都走左啦, 如果你見到佢既話, 你地要好好相處呀, 你所有用過既嘢(水碗 / 糧兜 / 玩貝老鼠 / 被 ) 我都一直保留, 就連剛買返黎你未用過既貓砂墊, 我都一直保留 . . . 我好掛住你呀 ~ 大 B!!”

大B ~ 嘿嘿嘿, 其實你當時坐係我對面望住我時, 係諗緊咩?? 係咪諗緊, 你條傻佬, 從來都冇人夠膽摸我, 點解你會唔驚我?

大B, 我仲好記得當日第一次見你既時候個情況, 你啱啱係餐廳個廚房行出黎企左係門口, 而我就坐左近門口位置, 正當我意圖想起身果一刻, 你就好似一支箭咁跑番入去 ~ 哈哈哈 ~ 你真係極之討厭陌生人, 我真係從來未試過遇到好似你咁, 咁怕人既貓架

大 B 呀 . . 我好掛住你呀, 雖然你只係一隻貓店長, 我跟你既相識亦唔算係好長, 只有大概 5-6年, 過往有好多食客都話, 我係唯一一個人可以同你接觸, 對我既戒心亦係最細既, 好多謝你對我既信任
雖然你既離開都接近有 5 年多, 但係我從來都冇覺得你係離開過 . . 每日我都係如常地幫你換水, 出門前同你講聲我去返工 . . . 生活看似正常, 但內心永遠都係掛住你同埋細 B

🕯️ 大 B

Light a candle or leave a kind word for 大 B in the memorial hall. Free, no sign-up.

Visit 大 B's place →